Trainingsprogramm "Dancing with your horse"

Ech hunn de Programm „Dancing with your horse“ entwéckelt mam Zil, de Besëtzer vu Päerd an hirem gemeinsame Projet mat hirem Päerd weiderzehëllefen. Zu den Aktivitéiten am Programm gehéieren Dressuraarbecht an der Hal, Buedemaarbecht an Training um Terrain.

D’reiderlech Entwécklung hänkt vun der eegener Motivatioun, nei Saachen ze léieren, awer och vum Niveau, vun de Fäegkeeten a vum Alter vu sengem Päerd of. Mam Programm "Dancing with your horse" schenkt Dir Ärem Päerd e gesonden Training an Dir perfektionnéiert Är Technik an de Stonnen. Esou entwéckelt Dir an Äert Päerd Iech zesummen a baut eng harmonesch Bezéiung op.

Dëse Programm went sech haaptsächlech u Reider déi eng Leidenschaft fir d’Reitkonscht hunn a sech ëm d’Wuel vun hirem Päerd suergen. Bei Interessi kontaktéiert mech hei.

Reit- a Buedemaarbechtstonnen

Fir Reider déi sech fir meng Philosophie interesséieren an hir Technik a Sensibilitéit am Reide verfeinere wëllen, ginn ech och Reitstonnen a Buedemaarbechtstonnen. Mat reegelméisseg Stonne kënnt Dir Äert Feingefill an d'Kommunukatioun mat Ärem Päerd verbesseren.

D'Stonne sinn op fir Reider, déi e Päerd besëtzen, oder e Päerd an Hallef- oder Véierelspensioun hunn.

Stonne mam JOKER, de Päerdsimulator

Fir e gesond an harmonescht Reiden spillt d’Gläichgewiicht eng wichteg Roll. Ech organiséiere reegelméisseg Stonne mam JOKER, de mechanesche Päerdssimulator, fir d’Gläichgewiicht vum Reider ze perfektionéieren. De Reider léiert, Dehnübungen um Päerd ze maachen, d‘Hëft z’entspanen a säi Gewiicht gläichméisseg ze verdeelen. Den JOKER hëlleft dem Reider, seng Geschmeidegkeet, säi Rhythmus a seng Koordinatioun ze verbesseren. D’Course si souwuel fir Erwuessener ewéi fir Kanner op.